Текст песни Goudigi Gans - MQ

Goudigi Gans

Di goudigi gans tanzt dür das land
Aui ziäh mit irä mit, me merkt si het sä i dr hand
Blibä chläbä, wüu si aues gloubä was si singt
Das isch nur e illusion, doch si fougä derä stimm
Si droht si wot di fah und a sich kopplet ha
Nimmt si di chopf i arm, cha si nüm locker la
Lockt no paar opfer a, hanget so locker da
Leist irä gseuschaft, de wirsch ä teil vom grossä plan
Si füehrt und treit di, füuhsch di frei
Wäg irä meinsch du sigsch nüm allei
Leider trüägt dr schyn und seit nid
Nei das isch nid d`würklechkeit
Ender winä tüfuskreis, überzügt das me süsch nüt me weiss
Z`einzige wo no im chopf isch blibä
Das ohni si sowiso nüt me geit
D`lüt si sech einig, tribä üs eilig id abhängigkeit
Aber s`blibt aus trischt u grau, es wird dir nur farbiger zeigt
Het jedi warnig verseit, wüus numä um erfahrigä geit
Lost mä uf d`stimm i sich inn
Doch diä spinnt, sit si da isch im geist
So wirsch langsam zu irem zombie gmacht
Tunnublick, sprint is liecht
Bisch scho infiziert, dirigiert si was im gring passiert
Verspricht dir viu, doch bringt dirs niä
U wed immer no meinsch, si sigi heilig
Hättsch du eigentlech kei hiuf verdient
Di goudigi gans tanzt dür das land
Aui ziäh mit irä mit, me merkt si het sä i dr hand
Blibä chläbä, wüu si aues gloubä was si singt
Das isch nur e illusion, doch si fougä derä stimm
Mittlerwilä fougsch irem gang, verlürsch di stouz und di plan
I gloub fasch du schnausch dä joke mit dä fougä nid ganz
Wiso hangsch pouselos dran, a däm vergoudetä schwanz
Solang du gloubsch si bringt erfoug, blibts ä verzouberti gans
Den si het au becirct, het se verwirrt, wets o bi dir
Hesch di im griff, oder nid?
Merksches ersch den wes di richtig heftig het figgt
Rennsch wäg vo dir, oder wetsch nur zu irä?
Du weisches nüm so gnau
Aber fougsch blind, wiä z`vouk stimmt
Und meinsch du heigsch ä wau
Hesch di säuber drfür entschidä, wi söt ds gah
We dr wiuä brochä isch?
Si häufe se z`findä, doch lah di la stah
We du di für si ufopferisch
We jedes wort zum vorwurf wird, wüu irä ufä liim bisch gangä
Wi di angrä, chly befange, bisch z`lang ungerem ifluss gstangä
Y dr schlange wen nid wäg irä
Wäg öperem wonech verbundä het
Oder umgekehrt, ou wens aui veruumt, blibt si unversehrt
Wird bewacht vo wachä wo z`schwach si
Für sech gägä si ufzlehnä
Rächtfertigungä und usredä, wiso si sech uf ihrä buuch legä
Jedä brucht si, aber si brucht kenä, kenä vo öich
Jedä brucht si, aber si brucht kenä, kenä vo öich
Di goudigi gans tanzt dür das land
Aui ziäh mit irä mit, me merkt si het sä i dr hand
Blibä chläbä, wüu si aues gloubä was si singt
Das isch nur e illusion, doch si fougä derä stimm
Sie blieben kleben. ganz fest. und wie sie auch an der gans zogen,
sie kamen nicht mehr los