Текст песни Wenn Et Bedde Sich Lohne Däät - BAP

Wenn Et Bedde Sich Lohne Däät

Refr.:
Wenn et Bedde sich lohne däät, wat meinste wohl
Wat ich dann bedde däät, bedde däät
Ohne Prioritäte, einfach su wie et köhm, fing ich ahn
Nit bei Adam un nit bei Unendlich
Trotzdämm: Jeder un jedes köhm draan
Für all dat, wo der Wurm drinn
Für all dat, wat mich immer schon quält
Für all dat, wat sich wohl niemohls ändert
Klar — un och für dat, wat mir jefällt
Vum Choral für die Dom — Duuv, die verkrüppelt verengk en der Sood
Bess zo Psalme für et Wedder un die Stunde met dir, die ze koot
Ich däät bedde, wat et Zeuch hällt
Ich däät bedde op Deufel kumm russ
Ich däät bedde für wat ich jraad Loss hätt
Doch für nix, wo mir wer säät: Do muss, do muss !!
Refr.:
Wenn et Bedde sich lohne däät, wat meinste wohl
Wat ich dann bedde däät, bedde däät
Ne Ruusekranz dämm Poet, dä als Schoof en nem Wolfspelz römmsteht
Nevve Troubadour un Prophet, dänne et laache tagtäglich verjeht
Ich däät en Käzz opstelle für Elvis
Däät e Huhamp bestelle für John
Prozessione, die jinge für Janis
All die Helde, die wööte belohnt
Un e Vaterunser dämm Feldherr, dä drop waat, datte endlich verliert
Dämm et huhkütt bei singe Triumpfzöch, dä Obliske jenooch apportiert
Für die zwei Philosophe, die Schänge
En nem Elfenbeinturm en Klausur
Die sick Minschejedenke sich zänke
Uss Erbarmen e Stoßjebet nur, e Stoßjebet nur
Ich däät bedde für Sand em Jetriebe un jed Klofrau kräät Riesenapplaus
Övverhaup jeder Unmengen Liebe un dä Sysiphus nit nur en Paus
Ich däät die Rubel bremse, die rolle
Kronjuwele verbanne nohm Schrott
Leet all Grenze un Schranke verschwinde
Jede Speer, jed Jewehr, jed Schafott
Villeich beneid ich och die gläuve künne
Doch: Wat soll et, ich jaach doch kei Phantom
Jott, wöhr et Bedde doch bloß nit su sinnlos
Denn off denk ich, wir wöhren bahl schon
Ahn dämm Punkt, wo et ejal weed, wer Rääsch hätt
Wo Beziehung un Kohle nit zällt
Mir sinn all zosamme om Kreuzwääsch
Etwa do, wo mer et dritte Mohl fällt, et dritte Mohl fällt