Текст песни Saison Der Container - BAP

Saison Der Container

Uss’em Blaumann russ — Trainingsahnzoch an
Op et Rennrad drop un dann em zweite Jang
Öm de Eck nohm Rolf — en et Büdche, Mann
Do ess immer wer, met dämm mer schwaade kann
Zwesche Underbirch un Coca-Cola
Zwesche Ritter Sport un Fläschebier
En ruude Hand un sons en Rauh jelohße
Dat ess ech die Krönung — ich saach et dir!
Hatt’er schon jehührt? — Ich hatt et em Instinkt
— dä Franz ess pleite, dat hann’sch kumme jesinn
Dä fährt jetz Taxi, sing Jeschäff ess zo
Käuf jetz och beim Aldi enn, wie ich un do
Vüür singem Laade steht ne Müllcontainer
Wat jetz do rinnkütt, ess doch scheißejal
Su oder su, 't weed nix für unsereiner
Hührt mer op met Veedel — da’s sentimental !
Refr.:
Willkommen zur Saison der Container
Kapott — 'ne Neue, dat pass niemieh heher
Modernisiere heiß: Et weed alles schöner
Do drink mer drop — dunn noch en Rund Bier
Wo dä Schuster wohr — hammer en Boutik
En dä Metzjerei stonn Möbel, ech antik
Bäckerei's en Weinstub — dovon jitt et drei
Un dä janze Ring ess en Studentekneip
Wo die Drojerie wohr — hammer’n Diskothek
Resultat ess, dat kein Sau’ne Parkplatz mieh kritt
Dä Frisör ess och zo — jetz e Fresslokal
Donevve’n Spillhöll un e Cocktail-Bar
Doch sulang mer durch die Vringspooz durchdarf
Unser Veedel keine Türsteh'r kritt
Keiner kütt un unser Büdche affschaff
Stommer he beim Rolf, sons int’ressiert uns nix
Refr.:
Willkommen zur Saison der Container
Kapott — 'ne Neue, dat pass niemieh heher
Modernisiere heiß: Et weed alles schöner
Do drink mer drop — dunn noch en Rund Bier