Текст песни Et Letzte Leed - BAP

Et Letzte Leed

Wemmer he fädisch sinn
Setze mir uns eez ens hin
Un schwaaden durch
Wat hück jelaufen ess
Trecken uns e Bier erenn
Schnappe Luff un rauchen ein
Un donah
Do weet he affjebaut
Dä Angelito trick die Kabel russ
Un en dä Zick do höllt dä Bernd dä Buss
Et letzte Leed hück Ovend
Dann ess he fierovend
Dann jeht et Heim
Noh der Mamm
Noh der Frau
Nohm wärme Arsch em Bett
Anlaach affjebaut, erussjedraare
En dä EL-KA-WE erinnjelaade
Dä Stress ess uss, Tschüss bess am Donnerstag
Donnerstag dä nächste Gig
Dann weet et och ald widder höchste Zick
Dat mer die Bühnebredder spürt un dat Publikum
Et mäht uns Spass, un nur dat trick
Sibbe Köpp, veezehn Häng für ein Musik
Eventuell, et könnt jo sinn
Hadd ihr em Kopp de selve Dinger drinn
Vun dänne mir üch hück un he jesunge hann
Mer wollte nit Messias sinn
Vun wäje doot jet oder loot jet sinn
Wollte nur verzälle
Wat ahm Eng och äch passiert
Maat et joot, vielleich bess irjendwann
Dann treff ihr he die selve sibbe Mann
Et letzte Leed hück Ovend
Dann ess he fierovend
Dann jeht et Heim
Noh der Mamm
Noh der Frau
Nohm wärme Arsch em Bett